అమెరికాలో ఓ వ్యక్తి వరుసగా 18 సార్లు లాటరీ గెలుచుకుని అందరినీ ఆశ్చర్యపరిచాడు. ఐడాహో రాష్ట్రానికి చెందిన రాబర్ట్ బేవన్ తాజాగా మరోసారి భారీ నగదు బహుమతి అందుకోవడంతో ఆయన కథ మళ్లీ చర్చనీయాంశమైంది. గత కొన్నేళ్లలో చిన్న మొత్తాల నుంచి లక్షల డాలర్ల వరకు అనేకసార్లు లాటరీ బహుమతులు దక్కించుకున్న ఆయన అదృష్టం ఇప్పుడు సోషల్ మీడియాలో వైరల్గా మారింది.
అయితే, తన విజయాల వెనుక ఉన్న అసలు రహస్యాన్ని రాబర్ట్ ఎంతో భావోద్వేగంగా వివరించాడు. “డబ్బు గెలవడం కంటే నా జీవితంలో అతిపెద్ద అదృష్టం నా భార్య” అని ఆయన చెప్పడం నెటిజన్ల మనసులను తాకింది. దాదాపు నాలుగు దశాబ్దాలుగా భార్యతో కలిసి సరదాగా లాటరీ టికెట్లు కొనడం తమ జీవితంలో ఒక భాగమైందని తెలిపాడు.
రాబర్ట్ వ్యాఖ్యలపై సోషల్ మీడియాలో భారీ స్పందన వస్తోంది. నిజమైన అదృష్టం డబ్బులో కాదు, మనతో నిలిచే మనుషుల్లో ఉంటుందని చాలామంది కామెంట్లు చేస్తున్నారు. లాటరీ గెలుపుల కంటే ఆయన భార్యపై చూపించిన ప్రేమ, గౌరవమే ఇప్పుడు అందరి దృష్టిని ఆకర్షిస్తోంది.
About the Author
